११ बैशाख २०७६ , बुधबार

४२६ महिलाको निःशुल्क क्यान्सर परीक्षण

धनकुटा : धनकुटा नगरपालिका–३ मा ४२६ महिलाको निःशुल्क क्यान्सर परीक्षण गरिएको छ। नेपाल अबुर्द रोग निवारण संस्था धनकुटा र भक्तपुर क्यान्सर अस्पतालको संयुक्त आयोजनामा क्यान्सर परीक्षण गरिएको हो।

धनकुटा नगरपालिका–३ को भाषा माविको परिसरमा भएको शिविरमा स्थानीय महिलाहरूले पाठेघरसम्बन्धी क्यान्सर रोग परीक्षण गराएका हुन्। परीक्षणको रिपोर्ट आउन बाँकी रहेको आयोजक नेपाल अबुर्द रोग निवारण संस्था धनकुटाका अध्यक्ष नारायणप्रसाद रिजालले बताए।

वडा नम्बर ३ का अध्यक्ष विकास घिमिरेले महिलाको स्वास्थ्यमा कुनै समस्या नआओस् भन्ने उद्देश्यले शिविर सञ्चालन गरिएको बताए। घर आँगनमा गरिएको शिविरबाट धरै महिलाहरुले लाभ लिएको उनले बताए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।