११ बैशाख २०७६ , बुधबार

स्वास्थ्यसचिव थपलियाले गरे पदबहाली

काठमाडौं : स्वास्थ्य तथा जनसंख्या मन्त्रालयका सचिव रामप्रसाद थपलियाले पदबहाली गरेका छन्।

बुधबार मन्त्रालयमा पदबहाली गर्दै प्रशासनतर्फका सचिव सचिव थपलियाले सबैलाई मिलाएर सहकार्य गर्दै अघि बढ्ने प्रतिक्रिया दिए। जिल्लामा रहेर प्रशासनिक काम गरेको अनुभव भए पनि स्वास्थ्य क्षेत्रको अनुभव नभएकाले सबैको सहयोग आवश्यक पर्ने उनले बताए।

स्वास्थ्य समूहकी सचिव डा. पुष्पा चौधरी, महाशाखा प्रमुख र स्वास्थ्य मन्त्रालयका कर्मचारीले सचिव थपलियालाई स्वागत गरेका थिए।

कर्णाली प्रदेशका प्रमुख सचिव रहेका थपलियालाई वैशाख २ गतेको मन्त्रिपरिषद् बैठकले स्वास्थ्य मन्त्रालयमा सरुवा गर्ने निर्णय गरेको थियो।

यसअघिका सचिव चन्द्रकुमार घिमिरेलाई महिला बालबालिका समाजकल्याण तथा ज्येष्ठ नागरिक मन्त्रालयमा सरूवा गरिएकाे थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।