चितवन : बीपी कोइराला मेमोरियल क्यान्सर अस्पतालमा गठित क्यान्सर सेवा समाजलाई चितवन इँटा उद्योग व्यवसायी संघले शवबाहन हस्तान्तरण गरेको छ। संघका अध्यक्ष नारायणप्रसाद सापकोटाले सोमबार शवबाहनको साँचो अस्पतालका कार्यकारी निर्देशक विजयचन्द्र आचार्यलाई हस्तान्तरण गरे।

आचार्यले क्यान्सर सेवा समाजका अध्यक्ष चिजकुमार मास्केलाई साँचो प्रदान गरे। अस्पतालको नाममा रहने शववाहनले आज सेवा शुरु गरेकाे छ। संघले १० लाख १२ हजार ४०० मा खरिद गरेको शवबाहनले क्यान्सर अस्पतालसँगै जिल्लामा सेवा दिनेछ।

जिल्लामा रहेका दुई शवबाहनले मात्रै जिल्लामा विभिन्न कारणबाट मृत्यु भएकालाई अन्त्येष्टिका लागि लैजान असहज भइरहेका बेला यसले सहज बनाउने अस्पतालले जनाएकाे छ।