१० बैशाख २०७६ , मङ्लबार

मेट्रो काठमाडौं अस्पतालमा आईसीयू सेवा शुरू

काठमाडौं : महाराजगञ्जस्थित मेट्रो काठमाडौं अस्पतालले आईसीयू सेवा शुरू गरेको छ।

जटिल प्रकारका बिरामीलाई ध्यानमा राख्दै अस्पतालले पाँच शय्याको सुविधासम्पन्न भेन्टिलेटेरसहितको आईसीयू सेवा सञ्चालनमा ल्याएको अस्पतालका प्रमुख कार्यकारी अधिकृत प्रकाश वलीले जानकारी दिए।

‘आईसीयू नभएका कारण अस्पतालमा भेन्टिलेटरमा राख्नुपर्ने बिरामी अन्तै ‘रिफर’ गर्नुपर्थ्याे’, उनले भने, ‘त्यसैले हामीले हालै अत्याधुनिक एवं सुविधासम्पन्न आईसीयू सञ्चालनमा ल्याएका हौँ।’

मेट्रो अस्पताल चक्रपथमा भएका कारण तुरुन्त आईसीयूमा राखेर उपचार गर्नुपर्ने बिरामी आउने गर्छन् । तिनैलाई दृष्टिगत गरी अस्पतालले यो सेवा सञ्चालनमा ल्याएको जनाइएको छ।

मधुमेह एवं हर्मोन रोगसँग सम्बन्धित रोगको उपचारका लागि मेट्रो अस्पताल प्रख्यात छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।