९ बैशाख २०७६ , सोमवार

प्रदेश ३ मा औषधि अभाव हुन नदिन सामाजिक विकासमन्त्रीकाे निर्देशन

मकवानपुर : प्रदेश ३ का सामाजिक विकासमन्त्री युवराज दुलालले सरकारले निःशुल्क उपलब्ध गराउने औषधिहरूको सहज आपूर्ति र व्यवस्थापनका लागि मातहतका निकायलाई निर्देशन दिएका छन्।

सोमबार प्रदेश ३ को समाजिक विकास मन्त्रालयअन्तर्गतको स्वास्थ्य आपूर्ति व्यवस्थापन केन्द्र उद्घाटन गर्दै मन्त्री दुलालले औषधि व्यवस्थापन, भण्डारण, वितरण तथा अनुगमन प्रभावकारी बनाउन कर्मचारीलाई निर्देशन दिएका हुन्।

हेटौँडा १ स्थित तत्कालीन क्षेत्रीय मेडिकल स्टोरमा प्रदेशअन्तर्गतको आपूर्ति व्यवस्थापन केन्द्र सञ्चालनमा ल्याइएको हो। केन्द्रले प्रदेशका १३ जिल्लाका स्वास्थ्य संस्थालाई औषधि वितरण गर्नेछ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।