स्वास्थ्य परीक्षण गर्न राष्ट्रपति टिचिङमा, ग्यास्ट्राइटिसको समस्या

काठमाडौं : राष्ट्रपति विद्यादेवी भण्डारी महाराजगञ्जस्थित त्रिवि शिक्षण अस्पताल पुगी नियमित स्वास्थ्य परीक्षण गराएकी छिन्।

सोमबार बिहान स्वास्थ्य परीक्षण गर्न गएकी भण्डारीको स्वास्थ्य अवस्था सामान्य रहेको अस्पतालमा निर्देशक डा. प्रेम खड्गाले जानकारी दिए।

राष्ट्रपति भण्डारीलाई ग्यास्ट्राइटिसको समस्या भएकाले नियमित औषधि सेवन गर्न सुझाव दिएको निर्देशक खड्गाले बताए।

‘उहाँलाई ग्यास्ट्राइटिसको समस्या छ। इण्डाेस्कोपी गराएर १५ मिनेटपछि फर्किनुभयो,’ उनले भने, ‘नियमित औषधि खान सुझाव दियाैँ।’

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।