८ बैशाख २०७६ , आइतवार

चितवनमा ६ जनाले जनाए मरणोपरान्त अंगदानकाे प्रतिबद्धता

चितवन : भरतपुर अस्पतालमा एक महिनामा ६ जनाले मरणोपरान्त अंगदान गर्ने भएका छन्। भरतपुर अस्पतालका सूचना अधिकारी गोपाल पौडेलका अनुसार २१ वर्षीय चन्द्रप्रकाश उपाध्यायले प्रतिबद्धता जनाएसँगै अंगदान गर्नेको संख्या ६ पुगेको हो।

उपाध्ययले आफ्नो २१औँ जन्मदिनको अवसर पारेर शनिबार अंगदान गरेका हुन्। उनी भरतपुर अस्पतालमा अंगदान गर्ने सबैभन्दा कम उमेरका अंगदाता हुन्।

उनले मृत्युपश्चात् मुटु, मिर्गौला, फोक्सो, कलेजो लगायत अंग दान गर्न मञ्जुरीनामा दिएका छन्।

उनीबाहेकका पाँच जना ५० वर्षमाथिका छन्। गत चैत ६ गते प्रदेश सांसद विजय सुवेदीले मरणोपरान्त अंगदानको घोषणा गरी कार्यक्रमको सुरुवात गरेका थिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।