जनकपुर : स्वास्थ्य राज्यमन्त्री डा. सुरेन्द्र यादवको निजी अस्पताल जानकी हेल्थ केयर एण्ड रिसर्च सेन्टरमा कार्यरत एक नर्स अस्पतालको शौचालयमा मृत अवस्थामा फेला परेकी छिन्।

महोत्तरी स्थायी घर भएकी अन्दाजी २५ वर्षकी नर्स रक्षा आलेको शव शनिबार राति १२ बजे अस्पतालकै शौचालयमा सलले घाँटी बेरिएको अवस्थामा फेला परेको हो।

आइतबार बिहान उनका आफन्त पुगेपछि प्रहरीले प्रक्रिया पुर्याएर शव पोष्टमार्टमका लागि जनकपुर अञ्चल अस्पताल लगेको छ।

अस्पतालले घटनालाई आत्महत्या गरेको बताए पनि परिवारले घटना रहस्यमय बनेको भन्दै छानबिन हुनुपर्ने माग गरेका छन्।