सिमकाेटमा पूर्ण खोप सुनिश्चित महिना
सिमकोट : सिमकोट गाउँपालिकाले वैशाख महिनालाई पूर्ण खोप सुनिश्चित महिनाको रूपमा मनाउन सुरु गरेको छ। गाउँपालिका भित्रका १५ महिना भित्रका सबै बालबालिकाहरूलाई खोप अभियानबाट नछुटोस् भनेर अभियान सञ्चालन गरेको गाउँपालिकाले जनाएकाे छ।
गत वर्ष सिमकोट गाउँपालिकालाई पूर्ण खोप घोषणा गरिएको थियो। जन्मिएका हरेक शिशु सबै प्रकारका खोपहरूबाट वञ्चित नहुन् भनेर नयाँ वर्षको वैशाख महिनालाई पूर्ण खोप सुनिश्चित महिनाका रुपमा मनाउन सुरु गरिएको सिमकोट गाउँपालिकाका स्वास्थ्य संयोजक ध्रुवकुमार सिंहले बताए।
गाउँपालिका भरी जिल्ला अस्पतालसहित पाँच वटा स्वास्थ्य चौकी भएको र यसअन्तर्गत पर्ने सबै गाउँहरूको एक पटक विवरण संकलन गरिने उनले बताए। यो महिनामा बाल बालिकाहरूको तथ्याङ्क संकलन र घरधुरी सर्भेक्षण गरी त्यसको समीक्षा गरिने र छुटेका बालबालिकाहरुलाई ११ रोग विरुद्ध सात वटा खोपको व्यवस्था गरिने उनले बताए।
हाल सिमकोट गाउँपालिकामा १५ महिना मुनिका एक हजार एक सय ३८ बालबालिका छन्।
आज विश्व रेडक्रस दिवस मनाइँदै
गण्डकी प्रदेशको स्वास्थ्य मन्त्रीमा सीता सुन्दास नियुक्त
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र