६ बैशाख २०७६ , शुक्रबार

डोटीमा ६६५ खोप केन्द्रबाट भिटामिन ए र जुकाको औषधि खुवाइँदै

डोटी ः जिल्लाका ६६५ खोप केन्द्रबाट भिटामिन ए र जुकाको औषधि खुवाइँदैछ। नेपाल सरकारको राष्ट्रिय कार्यक्रम अन्तर्गत डोटी जिल्लामा शुक्रबार र शनिबार औषधी खुवाउने कार्यक्रम रहेको स्वास्थ्य कार्यालय डोटीका प्रमुख रामस्वार्थ यादवले जानकारी दिए।

जिल्लाका ६६५ स्वास्थ्य स्वयंसेवीका तथा स्वास्थ्यकर्मीले खुवाइरहेको स्वास्थ्य कार्यालय डोटीले जानकारी दिएको छ। ६ महिनादेखि पाँच वर्षसम्मका बालबालिकालाई भिटामिन ए र १२ देखि ५९ महिनाका बालबालिकालाई जुकाको औषधि नजिकको खोप केन्द्रमा खुवाउन थालिएको जानकारी दिइएको छ।

डोटीमा भिटामिन ए र जुकाको औषधी खाने पाँच हजार बालबालिका रहेको स्वास्थ्य कार्यालयले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।