३ बैशाख २०७६ , मङ्लबार

मुगुकाे दुर्गम गाउँमा बन्याे अस्पताल

मुगु : मुगुमकार्मारोङ गाउँपालिका रिउस गाउँमा ६ शय्याको अस्पताल स्थापना भएको छ। छाया नेपालको आर्थिक सहयोग तथा हिमाली ग्रामीण युवा समाज विकास केन्द्र (हिरिसडेक) को प्राविधिक सहयोगमा अस्पताल भवन निर्माण भएको हो।

छाया नेपालको ६५ लाख र गाउँपालिकाको ११ लाखको साझेदारीमा अस्पतालको निर्माण भएको हिरिसडेकले जनाएको छ। युनिसेफ नेपालको सहयोगमा अस्पतालमाआवश्यक पर्ने उपकरण, औजार, सौर्य उर्जा, शय्या व्यवस्थापन गरिएको छ।
अस्पताल सञ्चालनमा आएपछि करानका १४ गाउँका बासिन्दाले स्वास्थ्य सेवा पाउने भएका छन्। गर्भवती महिलालाई सहज विपन्नताका कारण नै समयमा जिल्ला औषधि उपचार गर्न लैजान नसक्दा धेरै गर्भवतीको मृत्यु भएको छ। गाउँपालिकाले केही दिनमा नै एमबीबीएस डाक्टर र सुरक्षित प्रसूति सेवाका लागि तालिम प्राप्त जनशक्ति व्यवस्थापन गर्ने जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।