२५ चैत्र २०७५ , सोमवार

बर्थिङ सेन्टर स्थापना

रुकुम पूर्व : सिस्ने गाउँपालिका–३ स्थित पोखरामा बर्थिङ सेन्टर स्थापना गरिएको छ।

गाउँपालिकाको आर्थिक सहयोगमा पोखरामा बर्थिङ सेन्टर स्थापना गरिएको स्वास्थ्य संयोजक धनबहादुर केसीले जानकारी दिए। हालसालै निर्माण भएको नयाँ भवनमा भौतिक पूर्वाधार पर्याप्त भएपछि वडामा बर्थिङ सेन्टर स्थापना गरिएको उनले बताए।

आइतबार गाउँपालिकाका अध्यक्ष कुमारी बराल र प्रमुख जिल्ला अधिकारी मित्रलाल शर्माले बर्थिङ सेन्टरको उद्घाटन गरे। सो बर्थिङ सेन्टरबाट गाउँपालिकाका वडा ३, ४, ७ र रुकुम पश्चिम बाफीकोट गाउँपालिका–१ का नागरिक लाभान्वित हुने भएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।