२३ चैत्र २०७५ , शनिबार

आयुर्वेद औषधि व्यवसायी संघको अध्यक्षमा गिरी

काठमाडौं : नेपाल आयुर्वेद औषधि व्यवसायी संघको अध्यक्षमा जंगराज गिरी विजयी भएका छन्। शुक्रबार काठमाडौंमा सम्पन्न संघको चौथो साधारण सभाबाट प्रमुख प्रतिस्पर्धी विष्णु सिंखडालाई हराउँदै गिरी अध्यक्ष निर्वाचित भएका हुन्।

यसैगरी महिला उपाध्यक्षमा निर्मला खत्री विजयी भएकी छिन्। छविरमण अधिकारी र भवनाथ लम्साल सचिव पदमा निर्वाचित भएका छन्। कोषाध्यक्षमा कृष्ण सुवेदी विजयी भएका छन्।

विनोद अधिकारी, डिल्लीप्रसाद घिमिरे, विदुर ढकाल, वेदव्यास सुवेदी र सुधा अधिकारी सदस्य पदमा निर्वाचित भएका छन्। सातै प्रदेशका प्रतिनिधि यसअघि नै निर्विरोध निर्वाचित भएको संघले जानकारी दिएको छ।

निर्वाचित पदाधिकारीहरूकाे कार्यकाल दुई वर्षकाे हुनेछ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।