२१ चैत्र २०७५ , बिहिबार

ट्रमा सेन्टरमा अत्याधुनिक सेवासहितको एम्बुलेन्स

काठमाडौं : सञ्चालन भएको तीन वर्षपछि राष्ट्रिय ट्रमा सेन्टरमा अत्याधुनिक सेवासहितको एम्बुलेन्स ल्याइएको छ।

वीर अस्पतालले खरिद गरेको तीन वटा अत्याधुनिक सेवा सहितको एम्बुलेन्समध्ये एउटा ट्रमा सेन्टरलाई प्रदान गरिएको हो।
सेन्टरमा यसअघि अक्सिजन मात्रै जोडिएको सामान्य एम्बुलेन्स सञ्चालन हुँदै आइरहेको थियो।

एम्बुलेन्समा दुईवटा अक्सिजनको सिलिण्डर,सक्सर, आगो निभाउने मेसिन, भेन्टिलेटर, स्ट्रेचर, व्हिलचियर, वासिङ, ड्रेसिङलगायतका सुविधा रहेका छन्। इण्डियन फोर्सको नयाँ एम्बुलेन्समा सामान्य अप्रेसन गर्न मिल्ने सुविधा जोडिएको छ।

सो एम्बुलेन्समा हेल्थ असिसटेन्ट अनिवार्य बस्नु पर्ने छ भने बिरामी लिनको लागि धेरै पटक डाक्टर आफैँ पनि एम्बुलेन्समा गइसकेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।