१८ चैत्र २०७५ , सोमवार

हावाहुरी प्रभावित क्षेत्रमा औषधि पुर्याउँदै एपोन

काठमाडौं : नेपाल औषधि उत्पादक संघ ‘एपोन’ले हावाहुरी प्रभावित बारा–पर्सामा रेडक्रस र मेडिकल एसोसिएसनसँगकाे सहकार्यमा औषधि उपलब्ध गराएकाे छ ।

वीरगञ्जमा भएका उद्योगबाट सोमबार बिहानबाट औषधि संकलन गरी उपलब्ध गराइएको र अन्य भागका उद्योगबाट औषधि संकलन भइरहेकाे संघका केन्द्रीय सदस्य विप्लव अधिकारीले बताए ।

‘विपतका वेला जसले जे सक्छ त्यही गर्ने हो’, उनले भने, ‘हामी घाइतेलाई अत्यावश्यक पर्ने औषधि उपलब्ध गराउँदैछौँ।’

केही औषधि घटनास्थलमा पुगिसकेको र अन्य कम्पनीबाट औषधि आउने क्रम जारी रहेको पनि अधिकारीले जानकारी दिए।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।