१८ चैत्र २०७५ , सोमवार

मेडिसिटी अस्पतालका चिकित्सककाे टाेली बारा पुग्याे

काठमाडौं : नेपाल मेडिसिटी अस्पतालका चिकित्सकसहितको टाेली बारा पुगेको छ। नेपाल मेडिसिटी अस्पतालको चिकित्सकसहितको टोली मेडिकल उपकरण सहित हेलिकोप्टरमा बारा पुगेको हो।

बारामा गएरातिको भिषण हावाहुरीका कारण दुर्घटनामा घाइते भएकाहरूको उद्धार एवं उपचारका लागि अस्पतालले चिकित्सक तथा स्वास्थ्यकर्मीको टोली बारा पठाएको हो ।

यसैगरी अर्को मेडिकल टोली भेन्टिलेटरसहितको एम्बुलेन्समा त्रिभुवन विमानस्थलमा तयारी अवस्थामा राखिएको छ ।
नेपाल मेडिसिटी अस्पतालका अध्यक्ष डा.उपेन्द्र महतो पनि बिरामीहरूको सहयोगका लागि बारामा पुगेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।