३ चैत्र २०७५ , आइतवार

नष्ट गरिएका कुखुरा अलपत्र छाड्दा त्रासमा सर्वसाधारण

मकवानपुर : बर्डफ्लु प्रभावित क्षेत्रमा नष्ट गरिएका कुखुराको व्यवस्थापन नहुँदा संक्रमण फैलिने खतरा बढेको छ। नष्ट गरिएका कुखुरा राम्ररी नपुर्दा संक्रमणको जोखिम बढेको हो।

हेटौँडा उपमहानगरपालिका–७ मा शनिबार राति १२ बजेसम्म हजाराैँ कुखुरा नष्ट गरिएको थियो। नष्ट गरिएका कुखुरा खोल्डोमा हालेर माटोले राम्रोसँग पुरिएको छैन। राम्ररी नपुरिएकाले कुकुर र कागलगायतका पंक्षीले कुखुराबाहिर लग्ने गरेको स्थानीय बासिन्दाले बताए।

कुखुरा राम्रोसँग नपुर्दा स्वास्थ्य जोखिम बढ्ने त्रास स्थानीयमा रहेको उनीहरूको भनाइ छ। उक्त क्षेत्रमा २१ जना प्राविधिकले आइतबार बिहानदेखि कुखुरा नष्ट गरिरहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।