१७ चैत्र २०७५ , आइतवार

अधिकांश कैदी आँखाका रोगी

उदयपुर : जिल्ला कारागारमा रहेका अधिकांश कैदी आँखाका रोगी भएको पाइएको छ। नेपाल नेत्र ज्योति संघ उदयपुरले शनिबार कारागारमा सञ्चालन गरेको आँखा तथा कान शिविरमा अधिकांश कैदीबन्दी आँखा रोगी भएको पाइएको हो।

संघका अध्यक्ष भागवत राउतका अनुसार शिविरमा ८७ जनाको आँखा जाँच गरिएकोमा ६४ जनामा आँखाको समस्या भएको पाइएको हो। ‘४० देखि ६८ वर्ष समूहका कैदीबन्दीहरुमा आँखामा नजिक हेर्ने समस्या देखिएको उनले बताए।

परीक्षण गराइएकामध्ये दुई जना आँखाको र १३ जनाको कानको अप्रेसन गर्नुपर्ने बताइएकाे छ। शिविरमा उपचारसहित निःशुल्क औषधि र चस्मा वितरण गरिएको छ।

कारागारमा तीन बालबालीकासहित १६६ जना कैदीबन्दी छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।