१५ चैत्र २०७५ , शुक्रबार

गाउँपालिकालाई एम्बुलेन्स

स्याङ्जा : एक दम्पतीले अर्जुनचौपारी गाउँपालिकालाई उपहारस्वरूप एम्बुलेन्स प्रदान गरेको छ। गाउँपालिकाकाे केवरेमा जन्मिएर हाल जापानमा व्यवसाय गर्ने सुकबहादुर केसी र हीरा केसीले गाउँपालिकालाई एम्बुलेन्स प्रदान गरेका हुन्।

भन्सार छुटमा बिमासहित एम्बुलेन्स गाउँपालिकासम्म ल्याइपुर्याउँदा झण्डै ११ लाख खर्च भएको बताइएको छ। उनीहरूले गाउँपालिकालाई प्रदान गरेको एम्बुलेन्स गाउँपालिकाको स्वामित्वमा राखेर सञ्चालन गरिने अध्यक्ष दीर्घनारायण अर्यालले जानकारी दिए।

एम्बुलेन्स मर्मत कोष स्थापना गरी रकम जम्मा गर्दै लगिने अर्यालले बताए। सवारी साधनमा अभावमा बिरामीलाई समयमै अस्पतालसम्म पुर्याउन कठिनाइ भएको देखेपछि एम्बुलेन्स सहयोग गरेको केसी दम्पतीको भनाइ छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।