१४ चैत्र २०७५ , बिहिबार

सरकारी चिकित्सकको माग पूरा भएन, गाेदान भन्छ, आन्दोलनको विकल्प छैन

काठमाडौं : सरकारले स्वास्थ्यतर्फका २७ हजार ३०२ कर्मचारी समायोजन भएको जनाएको छ।

स्थानीय तहमा २२ हजार १ सय ७६, प्रदेशमा २ हजार ३ सय ९४ र संघमा २ हजार ७५ जना कर्मचारी समायोजन भएका छन्। ६५७ कर्मचारी भने फाजिलमा परेको सरकारले जनाएको छ।

संघीय मामिला तथा सामान्य प्रशासन मन्त्रालयले बिहीबार पत्रकार सम्मेलन गरी कर्मचारी समायोजन पूरा भएको जानकारी दिए पनि स्वास्थ्यतर्फका कर्मचारीहरूको सूची भने सार्वजनिक गरिएको छैन।

समायोजनमा असन्तुष्ट रहँदै आएका चिकित्सक पनि समायोजनमा परेको बुझिएको छ। स्वास्थ्य मन्त्रालय स्रोतका अनुसार एक हजार चार सय भन्दा बढी सरकारी चिकित्सक स्थानीय तह र संघमा समायोजन गरिएका छन्।

सरकारी चिकित्सक संघ (गाेदान)ले आफूहरूसँग गरिएको सहमतिविपरीत समायोजन भएको भन्दै आन्दोलनको विकल्प नरहेको प्रतिक्रिया दिएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।