१२ चैत्र २०७५ , मङ्लबार

कांग्रेसका नेता सिटौला अस्पतालबाट ‘डिस्चार्ज’

काठमाडौं : नेपाली कांग्रेसका नेता कृष्णप्रसाद सिटौला अस्पतालबाट ‘डिस्चार्ज’ भएका छन्।

काठमाडौंको ह्याम्स अस्पतालमा पाँच दिनको उपचारपछि नेता सिटौला मंगलबार घर फर्किएकाे उनका सहयोगी प्रेम भट्टराईले जानकारी दिए। ह्याम्सले पनि सिटाैला पाँचदिनकाे अस्पताल बसाइपछि स्वास्थ्यलाभ गरी फर्किएकाे जानकारी दिएकाे छ।

शुुक्रबार साँझ अचानक स्वास्थ्यमा गडबडी भएपछि उनी अस्पताल भर्ना भएका थिए। शुरूमा मेट्राे काठमाडाैं अस्पताल लगिए पनि आईसीयूमा राखेर उपचार गर्नुपर्ने भएकाले उनलाई ह्याम्स अस्पताल लगिएकाे थियाे।

सिटौलाको रगतमा हेमोग्लोबिनको मात्रा कम देखिएको र रक्तचाप समेत घटेकाले आईसीयूमा राखेर उपचार गरिएको थियो। रगतको मात्रा बढाउन उनलाई शुक्रबार र शनिबार रगतसमेत दिइएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।