११ चैत्र २०७५ , सोमवार

सीता दाहालको स्वास्थ्यमा सुधार

काठमाडाैं : अमेरिकामा उपचाररत नेपाल कम्युनिस्ट पार्टी (नेकपा) का अध्यक्ष पुष्पकमल दाहालकी पत्नी सीता दाहालको स्वास्थ्यमा सुधार आएको छ।

पार्किन्सस् रोगबाट ग्रसित दाहालको एक हप्ताको उपचारपछि स्वास्थ्यमा निकै सुधार आएको अध्यक्ष दाहालको निजी सचिवालयले जनाएको छ ।

दाहालका प्रेस सल्लाहकार विष्णु सापकोटाका अनुसार दाहालको स्वास्थ्यमा पहिलेभन्दा निकै सुधार आएको छ र सोमवार ‘रिर्पोर्ट’ आएपछि सबै कुरा स्पष्ट हुन्छ । आफैँ हिँडडुल गर्न नसक्ने अवस्थामा रहेकी सीता अहिले आफैँ हिँडडुल गर्ने अवस्थामा पुगेकी छिन्।

सोमबारको रिपोर्ट हेरेर थप उपचार गराउनुपर्ने वा फर्किनु पर्ने तय हुने बताइएको छ। सीताको उपचार अमेरिकाको जोन हप्किङ्स अस्पतालमा भइरहेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।