हेल्थ टिभी अनलाइन \काठमाडौं : पोखरामा आज दुर्घटनाग्रस्त यति एयरलायन्सको विमानमा दुई जना चिकित्सक पनि सवार रहेको पाइएको छ ।

राष्ट्रिय ट्रमा सेन्टरमा कार्यरत डा सुशील श्रेष्ठ र उनकी श्रीमती डा सोना दिवारक रहेको ट्रमा सेन्टरका पूर्वनिर्देशक डा सन्तोष पौडेलले पुष्टि गरेका छन्। उनीहरुसँगै १० महिनाको बच्चा पनि रहेको बुझिएको छ । डा श्रेष्ठ पोखरा निवासी हुन् ।

उनीहरुको अवस्थाको बारेमा भने अहिले सम्म जानकारी आउन सकेको छैन। आज बिहान काठमाडौंबाट पोखरा उडेको जहाज विमानस्थल नजिकै दुर्घटना भएको हो। यसमा चालक दलका सदस्यसहित ७२ जना सवार थिए ।