२८ पुस २०७९ , बिहिबार

शहीद धर्मभक्त प्रत्यारोपण केन्द्रमा एक हजार जनाको मिर्गौला प्रत्यारोपण

हेल्थ टिभी अनलाइन \काठमाडौं : शहीद धर्मभक्त राष्ट्रिय प्रत्यारोपण केन्द्रमा एक हजार जनाको मिर्गौला प्रत्यारोपण गरिएको छ । केन्द्रले स्थापना भएको १० वर्षमा यो संख्यामा मिर्गौला प्रत्यारोपण गरेको जनाएको छ ।

प्रत्यारोपण विज्ञ डा पुकार चन्द्र श्रेष्ठको नेतृत्वमा रहेको प्रत्यारोपण टोलीले वर्षको २ सय हाराहारीको मिर्गौला प्रत्यारोपण गर्दै आएको छ । केन्द्रले बुधबारसम्म एक हजार जनाको सफल मिर्गौला प्रत्यारोपण गरेकोमा एक कार्यक्रम गरी खुशी साटासाट गरेको हो ।

डा श्रेष्ठको नेतृत्वमा हालसम्म शहीद धर्मभक्त राष्ट्रिय प्रत्यारोपण केन्द्र, वीर अस्पताल, पोखरा स्वास्थ्य विज्ञान प्रतिष्ठान र अन्य अस्पतालमा गरी १ हजार ४८जना बिरामीको प्रत्यारोपण भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।