१३ पुस २०७९ , बुधबार

भरतपुर अस्पताल विकास समितिको अध्यक्षमा राजु पौडेल

हेल्थ टिभी अनलाइन\ काठमाडौं : सरकारले चितवनस्थित भरतपुर अस्पताल बिकास समितिको अध्यक्षमा राजु पौडेललाई नियुक्त गरेको छ । स्वास्थ्य तथा जनसंख्या मन्त्रालयले पौष ८ गते मन्त्री स्तरीय निर्णय गर्दै अस्पतालको अध्यक्षमा डा पौडेललाई मनोनयन गर्ने निर्णय गरेको हो ।

भरतपुर विकास समिति गठन आदेश २०७६ संशोधित को दफा ३ को उपदफा २ क र स्वास्थ्य मन्त्रालय सम्बद्ध सार्वजनिक निकायका पदाधिकारी तथा सदस्यको नियुक्ती र मनोनयन सम्बन्धी मापदण्ड २०७३ बमोजिम ३ वर्षका लागि पौडेललाई अध्यक्ष पदमा मनोनयन गरिएको हो ।

नवनियुक्त अध्यक्ष पौडेलले आफ्नो ३ वर्षे कार्यकालमा अस्पतालको सुधार र विकासमा लाग्ने प्रतिवद्धता व्यक्त गरेका छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।