१६ अशोज २०७९ , आइतवार

नेपालमा डेंगुबाट ३९ जनाको मृत्यु, ३० हजारभन्दा बढी पुगे बिरामी

हेल्थ टिभी अनलाइन \काठमाडौं : नेपालमा शनिबारसम्म ३९ जनाको डेंगु संक्रमणका कारण मृत्यु भएको छ ।

स्वास्थ्य तथा जनसंख्या मन्त्रालय अनुसार शनिबारसम्म देशभर ३९ जनाको डेंगुकै कारण मृत्यु भएको छ । यसैगरी ३० हजार १८६ जनामा डेंगु संक्रमण पुष्टि भएको छ ।

नेपालमा साउन उता संक्रमण दर बढ्दै यो अवस्थामा पुगेको मन्त्रालयले जनाएको छ । कुल संक्रमितमध्ये सबैभन्दा धेरै बागमती प्रदेशमा रहेका छन्। डेगु संक्रमित लामखुट्टेले टोकेमा डेंगु हुने गर्छ । यसबाट बच्ने एक मात्र उपाय भनेको लामखुट्टेको टोकाइबाट बच्नु हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।