९ अशोज २०७९ , आइतवार

चिकित्सक लाइसेन्स परीक्षामा ४२ प्रतिशत मात्र उत्तीर्ण

हेल्थ टिभी अनलाइन \काठमाडौं : नेपाल मेडिकल काउन्सिलको शनिवार सम्पन्न ६४ औं चिकित्सक दर्ता लाइसेन्स परीक्षामा ४२ प्रतिशत विद्यार्थी मात्र उत्तीर्ण भएका छन् ।

काउन्सिलका रजिष्टार डा कृष्ण प्रसाद अधिकारीका अनुसार मेडिकल तर्फ १ हजार ६८६ जना र डेन्टल तर्फ ३५३ जना गरी कुल २ हजार ३९ जना सहभागी भएकोमा क्रमश ७४० ( ४३.८९) प्रतिशत र १२३ (३४ .८४ ) प्रतिशत गरी कुल १ हजार १७६ (४२. ३२ ) प्रतिशत उत्तीर्ण भएका हुन् ।

परीक्षाका लागि कुल २ हजार ६० जनाले फारम भरेका थिए । उनीहरूमध्ये २१ जना अनुपस्थित भएका थिए । परीक्षामा मेडिकल तर्फका एक जनाको नतिजा विथेल्ड गरिएको काउन्सिलले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।