३ अशोज २०७९ , सोमवार

दुई महिनामा डेंगुबाट २० जनाको मृत्यु, १६ हजार नाघ्यो संक्रमितको संख्या

हेल्थ टिभी अनलाइन \काठमाडौं : नेपालमा दुई महिनामा २० जनाको डेंगु संक्रमणका कारण मृत्यु भएको छ ।

यसैगरी डेंगु संक्रमण पुष्टि हुनेको संख्या १६ हजार ५८७ पुगेको स्वास्थ्य तथा जनसंख्या मन्त्रालयले जनाएको छ । मन्त्रालयले यो संख्या साउन महिना यताको भएको जनाएको छ । नेपालमा डेंगु संक्रमण दिन प्रतिदिन बढिरहेको छ भने अहिले सात प्रदेशका ७५ जिल्लामा डेंगु पुष्टि भइसकेको छ ।

मनाङ र हुम्ला दुई जिल्लामा मात्र डेंगु देखिएको छैन्। डेंगु संक्रमण संक्रमित लामखुट्टेको टोकाइबाट सर्ने गर्छ ।

सबैभन्दा धेरै डेंगु संक्रमण बागमती प्रदेशमा देखिएको छ । बागमतीमा मात्रै १२ हजार ४०१ जनामा डेंगु पुष्टि भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।