काठमाडौं महानगरमा असोज १ बाट सार्वजनिक स्थलमा सुर्तीजन्य पदार्थ निषेध
हेल्थ टिभी अनलाइन\ काठमाडौं : काठमाडौं महानगरपालिकाले सार्वजनिक क्षेत्रमा आगामी असोज १ गतेदेखि सबै प्रकारका सुर्तीजन्य पदार्थ निषेध गरेको छ।
महानगरपालिकाले बिहीबार एक सूचना जारी गर्दै असोज १ गतेदेखि सार्वजनिक स्थलमा सबै प्रकारका सुर्तीजन्य पदार्थ जस्तै चुरोट, बिंडी, तमाखु, सिगार, कक्कड, कच्चा सुर्ती, खैनी गुट्खा वा त्यस्तै प्रकारका अन्य पदार्थ सेवन गर्न प्रतिबन्ध लगाइएको जनाएको हो ।
महानगरपालिकाले सार्वजनिक स्थललाई सुर्तीजन्य पदार्थमुक्त क्षेत्र घोषणा गर्न सबैलाई सहयोग गरिदिन पनि आग्रह गरेको छ।
महानगरगले यो सूचना अटेरी गरी सुर्तीजन्य पदार्थको सेवन गरेको पाइएमा सुर्तीजन्य पदार्थ नियन्त्रण तथा नियमन गर्ने ऐन २०६८ अनुसार कारवाही र जरिवाना गरिने समेत जनाएको छ । सरकारले ११ वर्ष अघि नै सार्वजनिक स्थलमा सुर्तीजन्य पदार्थको सेवन गर्न नपाइने कानून ल्याएको भए पनि यसको पूर्ण रुपमा कार्यान्वयन हुन भने सकिरहेको छैन्।
मातृ तथा नवजात शिशु मृत्युदर घटाउन मिडवाइफको भूमिका महत्वपूर्ण
अत्यधिक विषादी राखिएका तरकारी र फलफूलले क्यान्सर भयावह बन्दै : विज्ञ
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो