१२ भदौ २०७९ , आइतवार

गुणस्तरहीन औषधि बजारबाट फिर्ता गर्न विभागको निर्देशन

हेल्थ टिभी अनलाइन \काठमाडौं : औषधि व्यवस्था विभागले गुणस्तरहीन औषधि बजारबाट तुरून्त फिर्ता गर्न निर्देशन दिएको छ।

आइतबार विभागले एक सूचना जारी गर्दै धादिङको नाैबिसेमा रहेको नोभा जेनेटिक प्राइभेट लिमिटेडले उत्पादन गरेको जिन्कोमिन – डीटी नामको चक्की औषधि बजारमा विक्री वितरणमा रोक लगाउँदै फिर्ता गर्न निर्देशन दिएको हो ।

विभागबाट बजार अनुगमनको क्रममा संकलन गरिएका औषधिकाे नमुना परीक्षण गर्दा सो औषधिले मापदण्ड पूरा गरेको नपाइएपछि विभागले सो औषधि फिर्ता गर्न भनेको हो । सोको जानकारी विभागमा गराउन पनि सूचनामा उल्लेख छ ।

साथै उक्त औषधिको सिफारिस, बिक्री वितरण तथा प्रयोग समेत नगर्न र नगराउनु हुन सबैलाई आग्रह गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।