९ भदौ २०७९ , बिहिबार

नवौं र एघारौं तहका रिक्त पदको विवरण तुरुन्त पठाउन स्वास्थ्य मन्त्रालयको निर्देशन

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले आफू मातहतका कार्यालयहरुलाई स्वास्थ्य सेवाको नवौं र एघारौं तहमा रिक्त रहेका पदहरुको विवरण तीन दिन भित्र पठाउन निर्देशन दिएको छ।

मन्त्रालयले लोकसेवा आयोगको स्वीकृत वार्षिक तालिका अनुसार आर्थिक बर्ष २०७९ \८० मा रिक्त पदहरुको पदपूर्ति गर्ने पर्ने भएकाले तुरुन्त रिक्त पदहरुको विवरण माग गरेको हो ।

मन्त्रालयले स्वास्थ्य सेवा विभागदेखि केन्द्रिय अस्पताल एवम प्रतिष्ठान गरी आफू मातहतका २६ वटा निकायलाई विवरण माग गर्दै पत्र पठाएको छ।

यसैगरी मन्त्रालयले आफूहरुले जारी गरेको ढाँचा बमोजिम विवरण उपलब्ध गराइदिन पनि आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।