५ भदौ २०७९ , आइतवार

घाँटीको क्यान्सरको उपचार गराइरहेका कांग्रेस नेता प्रदीप गिरिको निधन

हेल्थ टिभी अनलाइन \काठमाडौं : नेपाली कांग्रेसका नेता तथा सांसद प्रदीप गिरिको शनिबार राति उपचारका क्रममा निधन भएको छ।

ललितपुरको भैसेपाटीस्थित नेपाल मेडिसिटी अस्पतालमा उपचाररत ७५ बर्षीय गिरिको शनिबार राति निधन भएको अस्पतालले जनाएको छ । उनी विगत तीन सातादेखि मेडिसिटीमा उपचाररत थिए ।

लामो समय भारतमा उपचार गरेर स्वदेश आएका उनलाई पुन समस्या देखिएपछि मेडिसिटी भर्ना गरिएको थियो । उनी घाँटीको क्यान्सरबाट पीडित थिए ।

गिरिको निधनप्रति कांग्रेसले गहिरो दुःख व्यक्त गर्दै भावपूर्ण श्रद्धाञ्जली व्यक्त गरेको छ । उनको अन्त्येष्टी आजै पशुपति आर्यघाटमा गरिने जनाइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।