२८ साउन २०७९ , शनिबार

भदौ ५ गतेदेखि ५० जिल्लाका बालबालिकालाई कोरोना खोप दिइँदै

हेल्थ टिभी अनलाइन \काठमाडौं : सरकारले यही भदौ ५ गतेदेखि ५० जिल्लाका बालबालिकालाई कोरोना विरुद्धको खोप दिने भएको छ ।

बालबालिकालाई दिइने खोप अभियानको दोस्रो चरण अन्तर्गत ५ वर्षदेखि १२ वर्षमूनिका बालबालिकालाई कोरोना खोप दिन लागिएको हो । स्वास्थ्य तथा जनसख्या मन्त्रालयका अनुसार पहिलो मात्रा भदौ ५ गतेदेखि ११ गतेसम्म दिइनेछ भने दोस्रो मात्रा भदौ २७ देखि असोज १ गतेसम्म दिइनेछ ।

सरकारले यसअघि २७ जिल्लाका बालबालिकालाई खोप दिइसकेको छ । बालबालिकाका लागि उनीहरु अध्ययन गरिरहेको विद्यालयलाई नै खोप केन्द्र तोकिएको छ । २ सयभन्दा कम खोप लगाउने विद्यार्थी भएको विद्यालयकाे हकमा भने नजिकैको विद्यालयमा खोप केन्द्र राखिएको छ । यसैगरी खोपकाबारेमा आफनो स्थानीय तहमा बुझ्न पनि मन्त्रालयले अभिभावकलाई आग्रह गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।