२५ साउन २०७९ , बुधबार

स्वास्थ्यमा जिम्मेवारी हेरफेर : समन्वय महाशाखामा डा ठाकुर, क्षयरोग केन्द्रमा जोशी

हेल्थ टिभी अनलाइन \काठमाडौं : स्वास्थ्य मन्त्रालयमा फेरि एकपटक उच्च कर्मचारीहरुको जिम्मेवारी हेरफेर गरिएको छ । मन्त्रालयको स्वास्थ्य समन्वय महाशाखाको प्रमुखको जिम्मेवारी डा संजय ठाकुरलाई दिइएको छ। यसैगरी राष्ट्रिय क्षयरोग केन्द्रमा फाजिलमा रहेकी डा रिता भण्डारी जोशीलाई पठाइएको छ।

मंगलबार स्वास्थ्य तथा जनसंख्यामन्त्री भवानीप्रसाद खापुङले मन्त्रीस्तरीय निर्णय गदै स्वास्थ्यका उच्च अधिकारीहरुको जिम्मेवारी हेरफेर गरेका हुन् ।

उता फाजिलमा रहेका नारायण ढकाललाई प्रदेश नं १ को स्वास्थ्य निर्देशनालयमा पठाइएको छ। यसैगरी डा विश्वबन्धु बगालेलाई किटजन्य रोग केन्द्र हेटौडामा पठाइएको छ भने केन्द्रका प्रमुख डा केशव पण्डितलाई मन्त्रालय तानिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।