१९ असार २०७९ , आइतवार

भारतमा एकैदिन थपिए १६ हजार कोरोना संक्रमित, ३१ जनाको मृत्यु

हेल्थ टिभी अनलाइन : भारतमा कोरोना संक्रमणको दर फेरि एकपटक बढ्न थालेको छ ।

भारतीय स्वास्थ्य मन्त्रालयका अनुसार त्यहाँ पछिल्लो २४ घण्टामा १६ हजार १०३ जना कोरोनाका नयाँ संक्रमित थपिएका छन्। यसैगरी ३१ जना संक्रमितको मृत्यु भएको छ ।

योसँगै भारतमा सक्रिय संक्रमितको संख्या बढेर १ लाख ११ हजार ७११ पुगेको छ । भारतमा अहिले पनि कोरोना संक्रमण दर ४ दशमलब २७ प्रतिशत रहेको छ ।

नेपालमा पनि केही दिन यता संक्रमण दर उकालो लाग्ने क्रममा देखिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।