१३ असार २०७९ , सोमवार

नेपालमा फेरि बढ्न थाल्यो कोरोना संक्रमण, सक्रिय संक्रमितको संख्या २ सय नाघ्यो

हेल्थ टिभी अनलाइन \काठमाडौं : नेपालमा कोरोना संक्रमितको संख्या बिस्तारै उकालो लाग्ने क्रममा देखिएको छ । पछिल्लो २४ घण्टामा ४१ जना नयाँ कोरोना संक्रमित थपिएसँगै देशभर सक्रिय कोरोना संक्रमितको संख्या बढेर २०८ पुगेको स्वास्थ्य तथा जनसंख्या मन्त्रालयले जनाएको छ ।

दुई साता अघिसम्म एक सयभन्दा कम भएको सक्रिय संक्रमितको संख्या अहिले बढेर २ सय भन्दा बढी पुगेको हो । यसैगरी आइसीयूमा र संस्थागत आइसोलेसनमा बस्ने संक्रमितको संख्या पनि बढेको छ ।

दुई साता अघिसम्म अस्पताल भर्ना शुन्य रहेकोमा अहिले संस्थागत आइसोलेसनमा रहने संक्रमितको संख्या ६ जना रहेको छ भने सिकिस्त भएर आइसीयू भर्ना हुने संक्रमितको संख्या पनि ३ पुगेको मन्त्रालयले जनाएको छ ।

नेपालमा हालसम्म ११ हजार ९५२ जनाले कोरोना संक्रमणका कारण ज्यान गुमाएका छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।