१२ असार २०७९ , आइतवार

काठमाडौंमा थप तीन जनामा हैजा पुष्टि, ललितपुरमा पानीपुरी बेच्न रोक

हेल्थ टिभी अनलाइन \काठमाडौं : काठमाडौंमा थप तीन जनामा हैजा पुष्टि भएको छ। यो सँगै काठमाडौंमा हैजा भएका व्यक्तिको संख्या १२ पुगेको छ ।

इपिडिमियोलोजी तथा रोग नियन्त्रण महाशाखाले हैजा देखिने क्रम बढ्दै गएकाले पानी उमालेर पिउन सबैलाई आग्रह गरेको छ । झाडापखालाका बिरामी शुक्रराज ट्रपिकल तथा सरुवा रोग अस्पताल लगायत अन्य अस्पतालमा पनि भर्ना हुने क्रम बढेको र यसले हैजाका बिरामी बढ्न सक्ने अनुमान गरिएको छ ।

काठमाडौंमा यसअघि डिल्लीबजार, बागबजार लगायतका क्षेत्रमा ह्रैजाका बिरामी भेटिएपछि त्यहाँको पानी परीक्षणका लागि समिति गठनभएको थियो । उता सडकमा बेच्न राखिने पानी पुरी लगायतका खानेकुरामा दूषित पानी प्रयोग गरेको भन्दै ललितपुर महानगरले आजदेखि सडकमा पानीपुरी, चटपटे बेच्न प्रतिबन्ध लगाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।