३० जेष्ठ २०७९ , सोमवार

देशभर छन् १०६ सक्रिय कोरोना संक्रमित, काठमाडौंमा १६ जना

हेल्थ टिभी अनलाइन \काठमाडौं : अहिले देशभर १०६ जना मात्र सक्रिय कोरोना संक्रमित रहेका छन्। स्वास्थ्य तथा जनसंख्या मन्त्रालयको पछिल्लो तथ्यांक अनुसार अहिले देशभरमा १०६ जना संक्रमित आइसोलेसनमा रहेका छन्।

उनीहरुमध्ये सबै जना होम आइसोलेसनमा रहेको र संस्थागत आइसोलेसनमा तथा आइसीयूमा रहने संक्रमितको संख्या शुन्य रहेको मन्त्रालयले जनाएको छ ।सक्रिय संक्रमितमध्ये १६ जना काठमाडौंमा, ६ जना ललितपुरमा र भक्तपुरमा ६ जना रहेका छन्।

अहिले देशका ३९ जिल्ला कोरोना मुक्त भएका भइसकेका छन्। नेपालमा हालसम्म ११ हजार ९५२ जनाको कोरोना संक्रमणबाट मृत्यु भएको छ भने ९ लाख ६७ हजार २०४ जना संक्रमणमुक्त भएका छन्।

यसैगरी नेपालमा लक्षित जनसंख्याको ९६ दशमलब ३ प्रतिशतले एक मात्रा र ८५ दशमलब ७ प्रतिशतले दुबै मात्र कोरोना खोप लगाएको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।