१ जेष्ठ २०७९ , आइतवार

नेपालमा लक्षित जनसंख्याको ८५ प्रतिशतले लगाए कोरोना विरुद्धको पूर्ण खोप

हेल्थ टिभी अनलाइन \काठमाडौं : नेपालमा अहिलेसम्म लक्षित जनसंख्याको ८४ दशमलब ६ प्रतिशत व्यक्तिले कोरोना भाइरसविरुद्धको पूर्ण खोप लगाएका छन्। यसैगरी एक मात्रा खोप लगाउनेको संख्या भने झण्डै ९६ प्रतिशत रहेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार कुल जनसंख्याको ७६ दशमलब ५ प्रतिशतले एक मात्रा र ६७ दशमलब ६ प्रतिशतले पूर्ण मात्रा खोप लगाइसकेका छन्। नेपालमा खोप अभियान सुरु भए यता ५ करोड ३३ लाख ८१ हजार ५७० मात्रा खोप प्राप्त भएको छ । यसमध्ये ४ करोड २४ लाख ३१ हजार ९९९ मात्रा खोप प्रयोगमा आएको छ ।

नेपालमा हालसम्म ३७ लाख २१ हजार ५५२ जनाले बुस्टर डोज समेत लिइसकेका छन।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।