३० बैशाख २०७९ , शुक्रबार

मतदान गर्न जाँदै हुनुहुन्छ ? मास्क लगाउन नबिर्सनुस्

हेल्थ टिभी अनलाइन \काठमाडौं : नेपालमा आज स्थानीय तहको निर्वाचन भइरहेको छ । निर्वाचनमा मतदान गर्न जाँदा सबैले अनिवार्य मास्कको प्रयोग गर्न स्वास्थ्य तथा जनसंख्या मन्त्रालयले आग्रह गरेको छ ।

कोरोना महामारीको जोखिम कायम नै रहेकाले मतदान स्थलमा भिडभाड हुने हुँदा त्यहाँ जाँदा अनिवार्य मास्कको प्रयोग तथा सेनिटाइजरको प्रयोग गर्न र सकेसम्म दूरी कायम गर्न मन्त्रालयले आग्रह गरेको हो । आज बिहान ७ बजेदेखि देशभर मतदान सुरु भइसकेको छ ।

निर्वाचन आयोगले मतदानको समय बिहान ७ बजेदेखि साँझ ५ बजेसम्म तय गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।