१३ बैशाख २०७९ , मङ्लबार

नेपालका ३१ जिल्ला कोरोना संक्रमित शुन्य

हेल्थ टिभी अनलाइन \काठमाडौं : नेपालका ३१ जिल्ला अहिले कोरोना संक्रमण शुन्य भएका छन्। केही समय यता संक्रमण दर कम हुँदै गएपछि देशका ३१ जिल्ला कोरोना शुन्य बनेको स्वास्थ्य तथा जनसंख्या मन्त्रालयले जनाएको छ ।

ती जिल्लाहरुमा इलाम, ओखलढुंगा, बारा, पर्सा, खोटाङ, पाँचथर, भोजपुर, सप्तरी, महोत्तरी, रौतहट, दोलखा रहेका छन्। यसैगरी मनाङ, मुस्ताङ, नवलपरासी पूर्व, पर्वत, रुकुम पूर्व, कपिलवस्तु, गुल्मी, जाजरकोट, जुम्ला, डोल्पा, हुम्ला, रोल्पा, कालिकोट, मुगु, बाजुरा, दार्चुला, बझाङ, डडेल्धुरा पनि काेराेना संक्रमणशुन्य भएका छन्।

मन्त्रालयका अनुसार हाल देशभर २७१ जना मात्र सक्रिय संक्रमित छन्। उनीहरुमध्ये आइसीयू र भेन्टिलेटरमा संक्रमितको संख्या शुन्य रहेको छ भने संस्थागत आइसोलेसनमा पनि १ जना मात्र रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।