हेल्थ टिभी अनलाइन \काठमाडौं : देशभर पछिल्लो २४ घण्टामा ११ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार गत २४ घण्टामा ३ हजार ३६० जनाको नमुना परीक्षण गरिएकोमा ११ जनामा कोरोना पुष्टि भएको हो ।

यसैगरी आज ९० जना कोरोना संक्रमित संक्रमणमुक्त भएका छन्। नेपालमा कोरोना संक्रमणबाट निको हुने दर ९८ दशमलब ७ प्रतिशत रहेको छ । अहिले देशभर ९ सय ४२ जना मात्र सक्रिय संक्रमित रहेका छन्।

गत २४ घण्टामा ५६ हजार ९९३ जनाले कोरोना विरुद्धको खोप लगाएको मन्त्रालयले जनाएको छ ।