नेत्रज्योति संघले मनायो ४४ औं वार्षिकोत्सव
हेल्थ टिभी अनलाइन \काठमाडौं : नेपाल नेत्रज्योति संघले आफनो ४४ औं वार्षिकोत्सव मनाएको छ । ‘हाम्रो कर्तव्य, हाम्रो जिम्मेवारी, आँखा सेवामा साझेदारी’ भन्ने नाराका साथ संघले ४४ औं वार्षिकोत्सव मनाएको हो ।
आइतबार दिवसको अवसरमा एक कार्यक्रम गर्दै संघले कोरोना महामारीका बेला पनि आँखा सेवा सूचारु रहेको जनाएको छ । महामारीकैवीच सन् २०२१ मा संघले आफू मातहतका आँखा अस्पताल तथा उपचार केन्द्रबाट कुल २१ लाख २३ हजार ३८० जनाको आँखा जाँच तथा उपचार गर्नुका साथै २ लाख ५ हजार १२२ जनाको आँखा रोगको शल्यक्रिया गरेको जनाएको छ ।
हाल संघले २७ वटा आँखा अस्पताल र १४८ वटा आँखा उपचार केन्द्र र ४४ जिल्ला शाखाहरुमार्फत मार्फत सेवा प्रदान गर्दै आइरहेको छ ।
वार्षिकोत्सवको अवसरमा आयोजित कार्यक्रममा संघका अध्यक्ष डा चेतराज पन्तले संघले आँखा स्वास्थ्यका क्षेत्रमा धेरै काम गरेको भए पनि अझै पनि धेरै काम गर्न बाँकी रहेको र सरकारले पनि यसलाई प्राथमिकतामा राख्नुपर्ने बताए ।
कार्यक्रममा स्वास्थ्य तथा जनसंख्यामन्त्री विरोध खतिवडाले नेत्रज्योति संघले आँखा स्वास्थ्यमा निकै प्रशंसनीय काम गरेको भन्दै सरकारले अब आँखा स्वास्थ्य सेवा विस्तारका लागि लगानी बढाउने जनाए ।
नेपालको आँखा स्वास्थ्यको ८० प्रतिशतभन्दा बढी सेवा नेत्रज्योति संघ मातहतमा अस्पतालले दिने गरेको संघका कार्यकारी निर्देशक डा शैलेस मिश्रले जनाए । कार्यक्रममा बोल्दै उनले आँखा सेवासँगै संघले बहिरोपन निवारणका लागि कान उपचार सेवा पनि सुरु गरेको जानकारी दिए ।
वार्षिकोत्सवको अवसर पारेर आँखा स्वास्थ्य सेवामा योगदान पुराउने व्यक्ति तथा संस्थालाई सम्मान गरिएको थियो ।
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने