१३ चैत्र २०७८ , आइतवार

११ जिल्ला कोरोना शुन्य, सक्रिय संक्रमितको संख्या १ हजार ७५८

हेल्थ टिभी अनलाइन \काठमाडौं : देशभर सक्रिय कोरोना संक्रमितको संख्या १ हजार ७५८ मात्र रहेको छ । स्वास्थ्य तथा जनसंख्या मन्त्रालयका अनुसार शनिबारसम्म देशभर जम्मा एक हजार ७५८ जना सक्रिय संक्रमित आइसोलेसनमा रहेका छन्। यसैगरी हालसम्म ११ हजार ९५१ जनाको कोरोना संक्रमणबाट मृत्यु भएको छ ।

उता लक्षित जनसंख्याको ९३ दशमलब ३ प्रतिशत जनसंख्याले कोरोना विरुद्धका्े खोप लगाइसकेका छन्। सरकारले यही चैत मसान्तसम्ममा सम्पूर्ण नागरिकलाई कोरोना विरुद्धको खोप दिने लक्ष्य लिएको छ । अहिले पनि खोप अभियान देशभर जारी छ । अहिले धनकुटा, संखुवासभा, जुम्ला, हुम्ला, डोल्पा, मनाङ, रामेछाप लगायतका ११ जिल्ला कोरोना शुन्य भएका छन्।

मन्त्रालयका अनुसार २ सय संक्रमित हुने जिल्ला अहिले काठमाडौं मात्र रहेको छ भने अन्य जिल्लामा सोभन्दा कम संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।