२३ फाल्गुन २०७८ , सोमवार

थप ८८ जनामा कोरोना संक्रमण, ३७६ जना संक्रमणमुक्त

हेल्थ टिभी अनलाइन \काठमाडौं : देशभर थप ८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा ८ हजार ६३८ जनाको नमुना परीक्षण गरिएकोमा ८८ जनामा कोरोना संक्रमण पुष्टि भएको हो ।

आज थप एक जना कोरोना संक्रमितको मृत्यु भएको छ भने ३७६ जना संक्रमणमुक्त भएका छन्। हाल देशभर ६ हजार १५० जना सक्रिय कोरोना संक्रमित रहेका छन्।

मन्त्रालयका अनुसार गत २४ घण्टामा २ लाख ३३ हजार ८५१ जनाले कोरोना विरुद्धको खोप लगाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।