१६ फाल्गुन २०७८ , सोमवार

अब काठमाडौं र ललितपुरमा मात्रै ५ सय बढी सक्रिय संक्रमित

हेल्थ टिभी अनलाइन \काठमाडौं : अब देशभरका दुई जिल्लामा मात्रै ५ सय बढी सक्रिय कोरोना संक्रमित रहेका छन्। कोरोना संक्रमण दर घट्दै गएपछि अहिले काठमाडौं र ललितपुरमा मात्रै ५ सय बढी सक्रिय संक्रमित रहेको स्वास्थ्य मन्त्रालयले जनाएको छ ।

काठमाडौंमा १ हजार ५१७ जना कोरोनाका सक्रिय संक्रमित रहेका छन् भने ललितपुरमा १ हजार १०६ जना रहेका छन्। हाल देशभर कुल सक्रिय संक्रमितको संख्या ८ हजार ५१७ रहेको छ । उनीहरुमध्ये ८ हजार २८५ जना होम आइसोलेसनमा छन् भने २३२ जना मात्रै संस्थागत आइसोलेसनमा रहेका छन्।

नेपालमा हालसम्म ११ हजार ९३५ जनाको कोरोना संक्रमणबाट ज्यान गएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।