९ फाल्गुन २०७८ , सोमवार

ललितपुरमा आज र भोलि १८ वर्ष पुगेका सबैलाई बुस्टर डोज खोप दिइँदै

हेल्थ टिभी अनलाइन \काठमाडौं : ललितपुर महानगरपालिकामा आज र भोलि कोरोना विरुद्धको बुस्टर डोज खोप दिन लागिएको छ ।

ललितपुर महानगरका सामान्य प्रशासन महाशाखा प्रमुख सागर थापाका अनुसार १८ वर्ष पुगेका र पूर्ण मात्रा खोप लगाएको ६ महिना भएका व्यक्हिरुका लागि बुस्टर डोज खोप दिन लागिएको हो । त्यसका लागि महानगरका २९ वडै वडा मार्फत खोप दिने कार्यक्रम तय भएको छ । थापाले आफनो नजिकको पायक पर्ने खोप केन्द्रमा गएर खोप लगाउन सबैलाई आग्रह समेत गरेका छन्।

खोप लगाउन जाँदा पहिले खोप लगाएको कार्ड भने अनिवार्य देखाउनुपर्नेछ । खोप कार्यक्रम बिहान १० बजेदेखि ४ बजेसम्म चल्नेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।