२३ भदौ २०८२ , सोमवार

घाइतेको निःशुल्क उपचार गर्न अस्पतालहरुलाई स्वास्थ्य मन्त्रालयको निर्देशन

हेल्थ टिभी अनलाइन : सरकारले सोमबार भएको जेनजी आन्दोलनमा घाइते भएका सबैको उपचार निःशुल्क गर्न निर्देशन दिएको छ ।

स्वास्थ्य तथा जनसंख्या मन्त्रालयले आन्दोलनका क्रममा घाइते भएका सबै नागरिकको उपचार निःशुल्क र छिटो छरितो गर्न सबै संघीय अस्पतालहरूलाई निर्देशन दिएको हो। यसैगरी मन्त्रालयले घाइतेहरुका लागि एम्बुलेन्स सेवा प्रभावकारी बनाउन र सहज उपचारका लागि पनि तयारी अवस्थामा रहन निर्देशन दिएको छ । स्वास्थ्यकर्मी तथा चिकित्सकलाई यो आपतकालका बेला एकजुट भई उपचारमा जुट्न पनि मन्त्रालयले भनेको छ ।

जेनजीहरुले सामाजिक सञ्जाल बन्द विरुद्धमा आजदेखि आन्दोलन सुरु गरेका हुन् । तर सुरुकै दिन सरकारको दमनका कारण १७ जना जेनजीले ज्यान गमाइसकेका छन् भने सयौंको संख्यामा घाइते छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।