बर्ड फ्लुको संक्रमणबाट कसरी जोगिने ?
हेल्थ टिभी अनलाइन : बर्ड फ्लु भनेको पंक्षीहरुमा देखिने एक प्रकारको रोग हो । यो रोगका जीवाणु इन्फ्लुएन्जा भाइरस हो । पंक्षीमा बर्ड फ्लु लगाउने जीवाणु एन्फ्लुइन्जा भाइरसले मानव स्वास्थ्यमा पनि असर पुराउँछ । यो भाइरस व्यक्ति व्यक्तिवीच सर्दैन तर संक्रमित पंक्षीद्धारा भने व्यक्तिमा सर्न सक्छ । त्यसैले सावधानी अपनाउनुपर्ने हुन्छ ।
यसबाट बच्न के गर्ने ?
नियमित रूपमा साबुनपानीले राम्रोसँग हात धुने।
व्यक्तिगत सरसफाइमा ध्यान दिने।
आफ्नो वरिपरिको वातावरण सफा राख्ने।
बिरामी तथा मरेका कुखुरा तथा चराचुरुंगीबाट टाढा रहने।
प्रत्यक्ष सम्पर्क भएका बिरामी व्यक्तिहरू तथा चराहरू देखिए वा आफूलाई बिसञ्चो महसुस भएमा छिटो उपचारका लागि
नजिकको स्वास्थ्य संस्थामा सम्पर्क गर्ने।
बच्चाहरूलाई मृत वा बिरामी पन्छीबाट टाढा राख्ने।
कुखुराको काँचो मासु काट्ने वा पकाउने मानिसले नाङ्गो हात, खुला नाक मुख गरी चलाउनु हुँदेन। कम्तीमा पनि हातमा
पञ्जा मुखमा मास्क वा रुमाल तथा एप्रोन लगाएर मात्र मासुको काम गर्दा यो रोगको जोखिम कम हुन्छ। यसबाहेक मासु काटकुट गरिसकेपछि हात राम्रोसँग साबुनपानीले सफा गर्ने, मासु तयार गर्दा प्रयोग गरिएका भाँडाकुँडा, औजार र अचानो राम्रोसँग सफा गरी निर्मलीकरण वा निःसंक्रमण गर्नु पनि यो रोगको संक्रमणबाट बच्ने उत्तम उपाय हो।
कुखुराको मासु कम्तीमा ७० डिग्री सेल्सियस तापक्रममा राम्ररी पकाएर खाने, यसो गर्दा भाइरस मर्छ।
जंगली तथा घरपालुवा पन्छी मरेको वा बिरामी भएको देखिएमा नजिकको पशुस्वास्थ्यकर्मी पशुस्वास्थ्य कार्यालयमा तुरुन्त जानकारी गराउने।
इन्फ्लुयन्जाको शंका लाग्नेबित्तिकै स्वास्थ्य संस्थामा सम्पर्क गर्ने र चिकित्सकको सल्लाहअनुसार गर्ने उनीहरूको सल्लाहविना औषधि सेवन नगर्ने।
मृत पन्छी र तिनीहरूको सुलीबाट टाढा रहने र सुरक्षित रूपमा गाड्ने प्रबन्ध मिलाउने।
स्वास्थ्य तथा जनसंख्या मन्त्रालयद्वारा प्रेषित :
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण