हेल्थ टिभी अनलाइन \काठमाडौं : देशभर थप ६३९ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा ९ हजार ७५६ जनाको नमुना परीक्षण गरिएकोमा ६३९ जनामा कोरोना पुष्टि भएको हो ।

यसैगरी आज ३ जना कोरोना संक्रमितको मृत्यु भएको छ । आज मृत्यु भएकासहित देशभर कोरोना संक्रमण भएर ज्यान गुमाउनेको संख्या ११ हजार ९०५ पुगेको छ । उता यहीवीच १६ सय जना कोरोना संक्रमणमुक्त भएका छन्।

मन्त्रालयका अनुसार गत २४ घण्टामा २ लाख १४ हजार १०३ जनाले कोरोना विरुद्धको खोप लगाएका छन्।